Råkøyrar dømd til fengsel

Då saka var oppe i Hardanger tingrett i oktober, la aktor ned påstand om at den mannen skulle dømast til vilkårslaus fengsel i 26 dagar tap av førarretten i 26 månader. Retten var samd i vurderinga til aktor.

Ifølgje saksdokumenta heldt mannen ein snittfart på 164 kilometer i timen på ei strekning på 5.418 meter. Kva toppfarten var, er usikkert, men politipatruljen som låg etter han, køyrde i 180 kilometer i timen. Det var ikkje nok til å ta bilen att.

Fartssyndaren forklarte at han braut fartsgrensa fordi han skulle nå eit fly på Flesland. Han innrømte å ha køyrt for fort då Utrykkingspolitiet stansa han i rundkøyringa ved Torsnes, og sa seg skuldig etter tiltalen då han møtte i retten.