Pub og kafé er i kjømda
– Me ynskjer å trekkja folk ned til kaiområdet, seier hotelldirektør Arnstein Birkeland ved Thon Hotel Sandven.
Publisert
Sist oppdatert
Hotellet i Norheimsund planlegg å rusta opp «Sjøhuset», og har fleire ting på teiknebrettet. Planen er å gjera 2. etasje om til tre leilegheiter som sesongtilsette kan bu i. På gateplan ynskjer hotellet å innreia til pub i enden mot kaien, og kafé i enden mot Tingstova, der butikken Nova heldt til tidlegare, fortel Birkeland.
Både puben og kaféen har dører mot hagen på teikningane.
Annonse
– Meininga er å få til heilårsdrift på bakeriet, og at det skal trekkja litt folk, seier Birkeland.
Puben vil vera open heile sommaren. Om han skal halde ope i lågsesongen, må ein vurdera etter kvart, fortel han.
Framdrifta er det vanskeleg å seia noko om. No skal skisser sendast inn til mellom anna Mattilsynet og Arbeidstilsynet, opplyser hotelldirektøren.
