– Promille på 2,94
Ein mann i Kvam er frådømd retten til å køyra førarkortpliktig motorvogn i tre år etter å ha køyrt i rusa tilstand.
Publisert
Sist oppdatert
Også 25 dagar i fengsel og ei bot på 10.000 kroner ventar vedkomande. Det kjem fram i ein dom frå Hordaland tingrett.
Domen er rettskraftig.
Annonse
Mannen vart i haust stoppa bak rattet i Bergen, etter at politiet hadde fått melding om svært vinglete og tidvis sakte køyring, i tillegg til at bilen ved fleire høve hadde vore ut på vegskuldra. Ein blodprøve som vart teken ein liten time etter køyringa, synte ein promille på 2,94. Mannen tilstod utan atterhald i retten.
Den domfelte er pålagd å avleggja full førarprøve om han ynskjer å få førarretten tilbake.
