Professor Gerd Kvale, her med Jarle Hjartåker og Gunnbjørg Håland i samband med signeringa av ein avtale om «helsedelen» i Hardangerbadet, er prisløna for metoden som vert nytta i Øystese.

Professor vann forskingspris

Psykologiprofessor og seniorrådgjevar i Helse i Hardanger, Gerd Kvale, og kollega Bjarne Hansen har vunne Forskingsrådets innovasjonspris 2022.

Håkon Norheim
Journalist
Publisert

Prisen får dei for utviklinga av Bergen 4-day treatment, opplyser Helse i Hardanger (HH) på Facebook. Behandlingsmodellen er gjennom arbeidet til Kvale i HH utvikla til å møta andre helseutfordringar.

HH skriv at ein er «skikkeleg stolt» over at verksemda får vera på lag med Kvale og utvikla behandlingsmodellen.

– Prisen er ei velfortent anerkjenning av arbeidet og av vinsten for både enkeltmennesket og samfunnet det har gjeve. At ho vinn ein så viktig pris for nettopp innovasjon, viser kor framtidsretta behandlingsmodellen i HH er. Det gler oss at Forskingsrådet ser verdiskapinga som denne nye metoden for helsehjelp bidreg til, skriv HH på Facebook.

Forskingsrådet skriv at prisvinnaren er eit framifrå døme på suksessrik tenesteinnovasjon som byggjer på grunnleggjande forsking innan psykologi og psykisk helse. Kvale har utvikla eit nyskapande behandlingsopplegg med imponerande resultat for pasientar med ulike psykiske lidingar, skriv rådet.

øystese trim og trening sjukdom psykisk helse nyhende medisin og helse helsevesen helse i hardanger as
Laga med Labrador CMS