Bilar, båtar og fly prega den sørlege delen av Norheimsund sentrum laurdag.

Prima motor

Mellom anna drifting, flyakrobatikk og bilutstilling var å sjå då Wings & Wheels Hardanger vart skipa til i Norheimsund laurdag.

Sigbjørn Linga
Bladstyrar
Publisert Sist oppdatert

Truleg finst få i Norheimsund som ikkje fekk med seg at noko ekstra gjekk føre seg laurdag, all den tid både høg lyd, røyk og halsbrekkande flystunt var mellom ingrediensane.

Truleg var fleire tusen innom arrangementet, der dei mellom anna kunne studera kring 250 utstilte køyretøy av ymse typar, modell og dato. Kvam Motorsportsenter og Kvam Veteranvogn Klubb stod som vanleg bak det heile.

Nokre glimt frå dagen kan du sjå her:

For mange var «burnouten» på kaien på Kaldestad utvilsamt eit trekkplaster.
Best å stå nær eller høgt oppe – det var spørsmålet.
Hard «burning» er sett i verk. Mellom andre Morten Lyngøy, ein kjend aktør innan «drifting», viste kunstar.
Slikt får ein oftast bot for, men ikkje i ordna former.
Nokre naut spetakkelet frå ribben, som tilbaud turar på fjorden. Også turar med fly og helikopter var å få kjøpt.
Tidvis var området kring kaien på Kaldestad røyklagt.
Frå utstillinga av bilar ved fartøyvernsenteret.
Som vanleg stilte Håkon Fosso opp for å visa kva det er mogeleg å gjera med eit lite fly. Her flyr han opp ned.
Arrangementet på bakken gjekk som vanleg føre seg i området Kaldestad–Hardanger fartøyvernsenter–Kvam Auto. Her var rikeleg med doningar å studera, og høve til å få ein kaffikopp.

Her kan du sjå ein video frå «burnouten»:

norheimsund kuriosa og kjendisar kuriosa fritid bil vitskap og teknologi nyhende kvam veteranvogn klubb
Laga med Labrador CMS