– Positivt overraska
Festivalhelga i Norheimsund gjekk fint føre seg, ifylgje politiet.
– Det har vore lite problem. Det har ikkje vore noko for politiet å gjera utanom det vanlege med litt fyll og å hjelpa folk som låg litt her og der, fortel ein politibetjent ved Kvam politistasjon.
Politibetjenten ynskjer ikkje å ha namnet sitt i avisa.
Noko kan sjølvsagt dukka opp i ettertid, legg politibetjenten til. Men totalt sett er politiet positivt overraska, fortel han. Ein etterfest vart avslutta klokka 01.15 natt til laurdag på grunn av høg musikk, men det var det.
Ein patrulje frå politiet var leigd inn til arrangementet Bygdalarm, og så var politiet innom med ordinær patrulje innimellom. Det var mykje folk i Norheimsund sentrum etter at konsertane ved «meieritomta» var over, men folk var generelt nøgde og hyggelege, fortel politiet.
