Pollenallergi liknar på koronasymptom

Helsevesenet kjem til å få utfordringar med å skilje allergi frå koronavirus, meiner allergiekspert Sverre Stensvåg, for symptoma er svært like, skriv NRK.

– Det eg er bekymra for er at mange av dei symptoma som pollenallergikarane kjem med om tre–fire veker, dei liknar til forveksling på dei symptoma det blir åtvara mot i forhold til korona, seier Sverre Steinsvåg til kanalen.

Han er avdelingsleiar for øyre-nase-hals-avdelinga ved Sørlandet sjukehus og professor ved Universitetet i Bergen.

– Det blir eit kjempeproblem å skilje kva som er allergi og kva som er korona, seier han.

Stensvåg oppmodar staten til å førebu seg på korleis helsevesenet skal handtere det.

NPK-NTBredaksjon@hf.no