Politiet sin nye superbåt blir parkert
I februar i fjor synte Vest politidistrikt fram ein ny «superbåt», men til kortvarig glede. Sidan november har båten ikkje vore i bruk, og no skal ein mindre båt hentast inn.
– Det er nokre vedvarande problem med politibåten i Bergen som leverandøren har utfordringar med å få løyst, seier Espen Strai, avdelingsdirektør i Politiets fellestenester (PFT), til Kystens Næringsliv.
Hovudproblemet har vore at det samlar seg bensindamp i førarhuset.
Artikkelen held fram under annonsen.
To store Mercury utandørsmotorane på 600 hestekrefter kvar skulle få den nye politibåten til å rase over bølgjetoppane i 55 knop. Den 45 fot eller knappe 14 meter lange båten skal kunne ta ti personar i den lukka kabinen.
Politiforum har tidlegare avslørt at det svenske leverandørselskapet bak båtane har innrømt i ein rapport at dei ikkje var klare for kontrakten om å byggje båtane.
Politiet har til saman kjøpt inn seks båtar av dette slaget, men totalt inneheld kontrakten ni båtar og har ein verdi på 70 millionar kroner. Altså er kostar kvar båt om lag 7,5 millionar kroner.
Vest politidistrikt jobbar med å få på plass erstatningsbåtar.
(©NPK)
