Planlegg stor Krik-leir på Framnes

22.–23. februar skal konfACTION Vest og Krik – Kristen Idrettskontakt – arrangera konfirmantleir for tredje gong. Dette er ein leir der alle skal få sjansen til å ha det gøy med eit mangfald av aktivitetar – alt frå brettspel til slalåm høgt oppe i fjella.

Andreas Holøs, leiar i Krik, fortel at det har vore over 400 konfirmantar og rundt 50 leiarar med dei siste to åra. Dagen startar med frukost og morgonmøte. Sidan er det ein del aktivitetar og middag. Etter middagen går konfirmantane på menigheitssamlinger og «Krik-torg». Dagen vert avslutta med kveldsmat, kveldsmøte og smågruppesamlingar.

Dette er det tredje året konfACTION arrangerer opplegget. Ein komité på 15 personar ringjer til for å få folk til å vera leiarar på ulike område, som instruktørar i diverse aktivitetar, møteleiarar, gruppeleiarar og andre som generelt kan bidra til fellesskapen.

– Rundt 200 står på venteliste for å bli leiar, så det er veldig attraktivt å jobba her. Leiarane består for det meste av studentar frå Bergen. Leiarane møter opp ein dag før for å bli kjende med kvarandre før det heile begynner, seier Holøs.

Han seier Krik har arrangert ein del andre leirar og arrangement, mellom anna ein stor leir i Bø med rundt 1.000 deltakarar. Og det er snart tid for Krik Explore, som er årleg nyttårsleir på Lillehammer.

Målet til Krik er å gje alle ein fin inngang til idrett og ein sans av tilhøyrsle, livsglede og trusglede. Organisasjonen har rundt 15.000 medlemmer og over 300 aktive lokallag.

Journalisten er mediefagelev på Framnes Kristne Vidaregåande Skule. Red.