Planlegg nytt kunstgras

Det har styret i Øystese Fotball vedteke, opplyser klubben i eit brev til Kvam herad. Det har vorte lagt kunstgras på banen to gonger før.

Ved båe tilfella gjorde klubben avtale med ein kunstgrasleverandør, og rekninga vart stila til Kvam herad. Heradet vidarefakturerte summen — minus meirverdiavgift, sidan den vert tilbakebetala av staten — til klubben, ifylgje brevet.

Kvam herad har òg levert inn søknad om spelepengar til tiltaket. Klubben har forskotert summen og fått ført tilbake pengane når dei er komne til heradet.

— Skal me gjera det på same måten denne gongen? spør klubben.

Svaret frå Kvam herad er at rådmannen ikkje har teke stilling til kven som skal gjera kva i saka. Uansett krevst ei uavhengig og kompetent tilstandsvurdering før ein kan søkja om spelepengar. Rådmannen ber klubben om å skaffa ei slik.