Torsdag klokka 18.11 fekk naudetatane melding om ei trafikkulukke i Steinstø. Ein personbil køyrde i ein semitrailer bakfrå, opplyser politioverbetjent Jarle Sjo Myklebust ved Kvam, Samnanger og Tysnes lensmannskontor.
— Det var to vaksne og to born innblanda i ulukka. Bilen fekk ein del materielle skadar, men det var ingen personskade, seier Myklebust.
Annonse
Politiet har oppretta sak. Det er førebels usikkert kva som var årsaka til ulukka. Det vert gjennomført avhøyr av partane for å sjå om nokon har vore straffbart aktlause, opplyser politioverbetjenten. Det er ingen mistanke om promille.
