Passerte i langt over 100
Folk flest heldt seg nær fartsgrensa, men éin bilist hadde det svært travelt ved fartstavla i Fitjadalsvegen i haust.
Publisert
Sist oppdatert
Kvam herad plasserte ei fartstavle på strekkja nedom Torebøen mellom 23. oktober og 6. november, som ein del av heradet sitt arbeid med trafikksikring. Totalt 7.500 køyretøy vart registrerte.
Gjennomsnittsfarten oppover vart målt til 33 kilometer i timen, mot 34 kilometer i timen nedover. Den høgaste registrerte farten oppover var 121 kilometer i timen. Nedover var høgste fart 74 kilometer i timen.
Annonse
Fartsgrensa på strekkja vart redusert frå 50 til 30 kilometer i timen 1. november, men skilta var på plass allereie frå slutten av september. Nye målingar vil verta utførte for å evaluera effekten av den oppdaterte skiltinga, skriv Kvam herad i rapporten frå målinga.
