— Pålagd å rydda opp
Gamalt, rusta utstyr og maskiner, øydelagde tilhengarar og anna skrot lyt fjernast i i Båtavika i Strandebarm.
Det skriv Bir i ein e-post til leigetakaren.
Strandebarm Grendautval bad Kvam herad, som eig tomta, om å rydda opp i industriområdet i mars 2020. Førespurnaden kom etter at utvalet fekk tips frå uroa naboar. Då heradet ikkje svara, kontakta utvalet Bir, som kom på synfaring i juni same året.
Eitt år seinare hadde ingenting skjedd, og grendeutvalet purra. Ei ny synfaring vart gjennomført på tomta i slutten av august 2021. Då synte det seg at ein stor del av det som var lagra, likevel ikkje var å rekna som avfall, men at noko var det.
Leigetakaren fekk tilsendt førehandsvarsel om pålegg om rydding i november. Eit tilsyn like før jul viste at ingenting hadde skjedd. No er leigetakaren pålagd å rydda opp. Alt skal leverast til godkjent mottak før mars.
Om ingenting skjer, kan det verta snakk om tvangsmulkt. Vidare kan Bir be heradet om å rydda opp på leigetakaren si rekning.
