Påbyr bruk av munnbind
Påbodet i Ullensvang gjeld frå midnatt på offentleg stad der det er vanskeleg å halda stor nok avstand.
Bakgrunnen for påbodet er auken i talet på smitta mellom anna i område nær kommunen.
— Hytter og skianlegg i vår kommune vert normalt vitja av folk som bur i desse områda som no har aukande smitte. Ullensvang kommune ynskjer å hindra nye smittetilfelle, skriv ordførar Roald Aga Haug i ei pressemelding onsdag.
Artikkelen held fram under annonsen.
Påbodet gjeld til midnatt 24. mars i fyrste omgang. Den dagen skal kommunestyret ha møte og drøfta lenging av vedtaket til over påske.
— Kommunen følgjer situasjonen tett. Innbyggjarar og næringsliv må vera budde nye lokale tiltak om situasjonen endrar seg, melder ordføraren.
Vedtaket om den lokale forskrifta med påbodet, gjort av smittevernlegen i kommunen, kan du sjå her:
Vedtak om bruk av munnbind på offentleg stad innandørs (1) (1).pdf
