Ordførarar tok opp ferjetrøbbel
Ordførarane i Kvam og Ullensvang drøfta torsdag dei nylege problema med jondalsferja med samferdsletoppane i fylkeskommunen.
Så mykje handfast kom ikkje ut av møtet, men ordførarane Torgeir Næss (Ap) og Roald Aga Haug (Ap) fekk i alle fall demonstrert at dei fylgjer med og er opptekne av ferjetilbodet, opplyser fyrstnemnde.
Med i møtet var Anne Iren Fagerbakke, fylkesdirektør for mobilitet og kollektivtransport, og Målfrid Vik Sønstabø, direktør for Skyss. Dei fekk høyra at ordførarane ottast dei innstilte ferjeavgangane på eit samband som mange er avhengige av og som har trafikkvekst. Også årsaker til innstillingane og mogelege mottiltak, driftstryggleik og endringar i anboda vart drøfta.
Ifylgje Næss fekk ordførarane vita at 99,7 prosent av ferjeavgangane i sambandet gjekk etter planen i fjor, men at tekniske feil og sjukdom førte til problem i desember og i starten av 2025. Vidare vart det opplyser at korkje Skyss eller operatørane sparar pengar på innstilte avgangar.
Denne månaden er kommunane inviterte til innspelsmøte i samband med den framtidige utlysinga av nye ferjekontraktar.
