Oransje farevarsel om jord-, sørpe- og flaumskred på store delar av Vestlandet
Det er sendt ut oransje farevarsel om jord, sørpe- og flaumskred for delar av Møre og Romsdal, Vestland og Rogaland fylke.
Varselet gjeld frå tysdag morgon til onsdag morgon. I det oppdaterte farevarselet er Sauda og Suldal i Rogaland og kommunar i Ottadalen, Innlandet lagt til, melder Varsom.no.
– Fleire skredhendingar er venta. Nokon kan få store konsekvensar. Utsett busetnad kan bli ramma. Framkomme på veg eller jernbane kan bli redusert, heiter det i varselet.
Annonse
Det er pågåande og framleis venta mykje nedbør som gjer at faren for slike skred blir sett på oransje nivå. På dette nivået blir situasjonen vurdert som alvorleg, og folk blir bedne om å vere førebudde.
Det er frå før sendt ut varsel om stor snøskredfare – nivå raudt – for Hardanger, Voss, Indre Sogn, Jotunheimen, Indre Fjordane, Sunnmøre, Romsdal og Trollheimen.
(NPK)
