Hardanger Bryggeri AS har søkt om skjenkjeløyve for øl og vin i Skummesalen i det tidlegare meieriet i Øystese, no kalla Mathuset. Lokalet er på 180 rutemeter, og driftskonseptet er pub og restaurant. Tanken er å servera lokalprodusert mat og drikke.
Rådmannen meiner dei folkevalde bør dela ut løyvet med ei skjenkjetid alle dagar frå klokka 12 til 02. Skjenkjekontrollen har sett på lokala, utan merknader.
Annonse
– Bryggjeripub og smaking er ein del av utviklingsarbeidet før eit set nye øltypar i produksjon i større skala, skriv rådmannen.
Ho meiner løyvet ikkje vil vera i konflikt med det kommunale engasjementet i Av-og-til.
Formannskapet drøftar saka 2. november. Heradsstyret tek avgjerd 8. november.
