Ønskjer seg benkar og buskar

Øystese Næringslag har søkt Kvam herad om løyve til å plassera seks benkar på gang- og sykkelvegen framfor Hardangerbadet og Hardangerfjord Hotel. Nokre av benkane skal plasserast på eigedomen til heradet, og resten på eigedomen til Hardangerfjord Hotel. I tillegg er planen å planta buskar, staudar og tre små tre.

Planane er teikna av den ferske heradsgartnaren, Henning Huse. Arbeidet skal gjennomførast av dugnadsgruppa «Livoglyst».

Næringslaget har vore i kontakt med kraftverket og heradet for å finna ut kvar det går leidningar i grunnen.