Også Ullensvang stengjer campingplassane
Ei lokal forskrift vedteken før helga opnar berre for overnatting i hytter og leilegheiter som har eige bad og kjøken og tilknyting til avløpsanlegg. Sanitæranlegg på campingplassar og ved gjestehamner vert stengde.
Vedtaket er gjort etter smittevernlova, opplyser kommunen i ei pressemelding fredag ettermiddag. I grunngjevinga står følgjande.
«Opphald på campingplassar er prega av tett kontakt og felles bruk av sanitæranlegg, kjøkken og opphaldsrom tilgjengeleg for alle campinggjestar. Opphald i campingvogn/bubil på campingplassar ber preg av tronge buforhold og nærleik mellom bebuarar i kvar eining. Sanitære installasjonar i campingvogner og bubilar er relativt spartanske. Reint vatn må bringast til vogna frå felles forsyningspunkt på plassen, og avløpsvatn i tank og urin/avføring i toalettank må tømmast i felles anlegg for dette. Til saman gjer dette campingplassar med denne typen buforhold til eit miljø med auka risiko for smittespreiing ved dråpe og kontaktsmitte. Opphald på campingplassar er prega av tett kontakt og felles bruk av sanitæranlegg, kjøkken og opphaldsrom tilgjengeleg for alle campinggjestar. Opphald i campingvogn/bubil på campingplassar ber preg av tronge buforhold og nærleik mellom bebuarar i kvar eining. Sanitære installasjonar i campingvogner og bubilar er relativt spartanske. Reint vatn må bringast til vogna frå felles forsyningspunkt på plassen, og avløpsvatn i tank og urin/avføring i toalettank må tømmast i felles anlegg for dette. Til saman gjer dette campingplassar med denne typen buforhold til eit miljø med auka risiko for smittespreiing ved dråpe og kontaktsmitte.»
Artikkelen held fram under annonsen.
– Kommuneoverlegen si vurdering er at smitteverntiltaket har ei medisinfagleg grunngjeving og er nødvendig av omsyn til smittevernet og for å halda ved lag tilstrekkeleg kapasitet i kommunen og i helse- og omsorgstenesta lokalt og regionalt. På bakgrunn av dette vert tiltaket vurdert som forholdsmessig og tenleg ut frå ei heilskapsvurdering, heiter det i vurderinga til kommuneoverlege Daniela Brühl og smittevernlege Steinar Jacobsen.
101 har teke koronatesten i Ullensvang. Alle prøvar ein har fått svar på, er negative. Kommunen treng meir smittevernutstyr, men det er uvisst når det kjem.
