Nyttårsbarn frå Kvam
Vesle Solveig frå Omastrand vart årets nyttårsbarn på Voss sjukehus, skriv avisa Hordaland.
Publisert
Sist oppdatert
– Me var jo veldig spente om det vart i 2022 eller i 2023 ho kom, seier foreldra Pernille Djupesland og Lars Tveitnes til vossabladet.
Mor merka dei fyrste teikna på at noko skulle skje på føremiddagen nyttårsaftan, og paret køyrde til Voss. Det vart bomtur, og nyttårsmiddagen kunne etast heime. Ikkje lenge etter midnatt bar det opp att til sjukehuset.
Annonse
Solveig vart fødd 1. januar klokka 23.34.
– Det er jo ikkje verdas finaste veg opp, og det hadde vore like enkelt å reisa til KK i Bergen, men me har hatt veldig gode opplevingar på fødeavdelinga her tidlegare, seier paret til Hordaland.
