Nye tal: Mykje lakselus på Vestlandet i år òg

Årets overvaking av lus på villaks viser at det framleis var mykje lus i Hardangerfjorden og Sognefjorden.

Over fleire år er det høgaste lusepåslaget på villfisk funne på Vestlandet og i Trøndelag.

Den nasjonale luseovervakinga (Nalo) viser at det generelt er lite lus på Sørlandet, medan det er mykje lus frå Rogaland til Trøndelag, spesielt utover i sesongen, skriv Mattilsynet. Frå Nordland og nordover er det generelt mindre lus på fisken, sjølv om det også her blir observert forhøgt talet på lus i enkelte område.

– Resultata i år er forholdsvis likt det vi har sett på villfisk dei siste åra, seier Rune Nilsen som er ansvarleg for den nasjonale luseovervakinga (Nalo) ved Havforskingsinstituttet.

Samanliknar ein med 2021 ser forskarane likevel ein reduksjon i Hardanger. Også Romsdalsfjorden hadde litt mindre lus i år enn i fjor, medan Trondheimsfjorden og Altafjorden er lågt og på same nivå som tidlegare år. Derimot er det ein svak auke av lakselus i Boknafjorden.

Overvakinga blir gjennomført av Havforskingsinstituttet på oppdrag frå Mattilsynet og Nærings- og fiskeridepartementet. Overvakinga skal dokumentere og gi oversikt over sjukdomsstatusen i Noreg.

(©NPK)