Nye samband gav stor omsetning
Fjord1 ASA omsette i fjor for 393 millionar kroner meir enn året før. Ni nye samband er årsaka. Eit av desse sambanda var Jondal—Tørvikbygd.
Publisert
Sist oppdatert
Samla omsetning i fjor var 3,117 milliardar kroner. Resultatet før skatt var 206 millionar kroner, ein nedgang på 53 millionar kroner frå året før. Covid-19-restriksjonar får ein del av skulda i ei pressemelding frå Fjord1.
Ved nyttår hadde selskapet 30 elektriske ferjer.
Annonse
— Nye elektriske ferjer har gjort oss til det mest miljøvenlege ferjeselskapet i verda, og elektrisitet utgjer no 40 prosent av energibruken vår. Kompetansen innan ny teknologi gjev oss mogelegheiter og konkurransekraft til å konkurrera om nye kontraktar både i Noreg og utlandet, seier administrerande direktør Dagfinn Neteland frå Kvam.
