Nye meddomarar i lagmannsrett
Kvam heradsstyre har peika ut seks lokale representantar til Gulating lagmannsrett dei neste fire åra.
Meddomarane som vart valde samrøystes av heradsstyret 20. juni, er Tor Bakke, Siv Håbrekke, Eva Stene Kolstad, Astrid Lunestad, Jens Ivar Melås og Magne Krogh Kolstad. Dei skal ha verva i perioden 2025–2028.
Oppgåva til meddomarane er å delta i rettsmøte og vurdera om dei tiltala i ei straffesak er skuldige, og eventuelt kva straff dei skal få. Dei må mellom anna ha god vandel og vera i alderen 21–70 år.