Styrelem Erlend Haugarvoll (t.v.) har fått Håkon Kristian Tombre i Tombre Fiskeanlegg AS og Sondre Eide i Eide Fjordbruk AS inn som medeigarar i Ænes Inkubator AS.

Nye eigarar inn i smoltverksemd

Tombre Fiskeanlegg AS og Quatro Laks AS vert deleigar i Ænes Inkubator AS, melder sistnemnde i ei pressemelding fredag.

Sigbjørn Linga
Bladstyrar
Publisert Sist oppdatert

Dei to fyrstnemnde selskapa er del av Tombre-gruppa, leia av Håkon Kristian Tombre, som no eig ein tredel av aksjane i Ænes Inkubator. Ifølgje pressmeldinga vil det styrkja samarbeidet mellom dei lokale sjømatprodusentane og bidra til utvikling av anlegget og selskapet, pluss auka aktivitet i Kvinnherad.

Ænes Inkubator planlegg eit resirkuleringsanlegg for smoltproduksjon med nær 100 prosent gjenbruk av ferskvatn. Anlegget kan produsera 6,6 millionar smolt på 400 gram i året frå 2023 om alt går som planlagt, ifølgje pressemeldinga.

Tidlegare var selskapet eigt av Lingalaks AS og Eide Fjordbruk AS. Dei eigde 50 prosent av aksjane kvar.

økonomi og næringsliv nyhende
Laga med Labrador CMS