Ny smitta på Voss
Ein ny koronasmitta vossing er avdekt tysdag. Vedkomande har moderate symptom og få nærkontaktar, men smittevegen er ukjend. Den smitta fekk tidlegare i sommar fyrste vaksinedose, opplyser Voss herad i ei pressemelding.
— For andre gong på kort tid vert me her i heradet minte på at vaksinen ikkje sikrar oss 100 prosent mot sjukdom, seier kommuneoverlege Eystein J. Hauge, som understrekar at alle med luftvegssymptom skal halda seg heime og testa seg.
