Ny SFO-ordning gagnar ikkje alle
Den nye ordninga med 12 timar gratis SFO for fyrsteklassingane er ikkje lik i heile landet. Har du flaks med kvar du bur og kva tilbod du får, kan heile SFO-veka bli gratis.
Det skriv NRK.
Frå denne veka skal alle fyrsteklassingar i heile landet få 12 timar gratis SFO kvar veke. Ordninga er eit resultat av budsjettforliket mellom regjeringa og SV.
Annonse
Slik ordninga er lagt opp er det opp til kvar einskild kommune korleis dei organiserer gratis SFO for fyrsteklassingar. Regjeringa krev at tilbodet skal vere i kjernetida, men har ikkje definert når kjernetida er.
Det gir store skilnadar. I Bergen er det mogleg for fyrsteklassingane å få gratis morgonplass eller inntil 60 prosent av heil plass. I Haugesund er det bestemt at kjernetida er mellom 07.45 og 15, mens Ålesund og mange andre kommunar opererer med definisjonar som gjer at tilbodet fell på ettermiddagen.
(©NPK)
