Ny mann i Kvammabadet

Han erstattar Frank Helland, som har takka nei til attval i det kommunale føretaket. Vika får leiar Reidun Skålheim Solberg og John Audun Jensen som kollegaer i styret.

Vika er dagleg leiar i Vekstra Hardanger og Voss AS. Styret i føretaket ynskte å få ein nestleiar med kompetanse på revisjon, noko som låg til grunn for arbeidet med saka i valnemnda.

– Slik nemnda ser det, er han ein godt eigna kandidat, sa nemndleiar og varaordførar Frode Nygård (Frp) då heradsstyret gjorde valet 12. desember.

Kvammabadet KF skal representera dei kommunale interessene i Hardangerbadet, der Kvam herad eig ein del av bygget.