Ny kontrakt på fylkesvegane
Tre entreprenørar vil drifta og halda ved like fylkesvegane i Vestland.
Publisert
Sist oppdatert
Det opplyser Vestland fylkeskommune i eit presseskriv.
Kontrakten som er lyst ut, gjeld eit område i sju kommunar i Vestland. I hovudsak dreier arbeidet seg om drift- og vedlikehald av fylkesvegane, gang- og sykkelvegar og sidevegar i Voss, Ulvik, Modalen, Vaksdal kommune, og nokre område i Bjørnafjorden, Kvam og Samnanger kommune, skriv fylkeskommunen.
Annonse
Veidekke Industri AS, Mesta AS og Presis Vegdrift AS har levert tilbod. Sistnemnde entreprenør har hatt ansvaret dei siste fem åra, og har levert inn lågast tilbodssum på arbeidet.
Kontrakten gjeld frå september i år og ut august i 2029. Ei endeleg avgjerd skal takast i mars.
