Ny fylkestannlege i Vestland
Lathamini Murugesh er tilsett som fylkestannlege i Vestland fylkeskommune. Ho får ansvar for 540 tilsette.
– Eg har eit godt støtteapparat rundt meg og gler meg til å byrja i ny stilling, seier Murugesh i ei sak på nettsidene til Hordaland fylkeskommune.
Noverande fylkestannlege Arne Åsan i Hordaland går av ved årsskiftet og vert pensjonist. Då tek Murugesh, som til no har vore overtannlege i distrikt nord, over. Ho får òg ansvar for Sogn og Fjordane, sidan dei to fylka ved nyttår vert slegne saman med Hordaland.
Ho får ansvar for 540 tilsette i tannhelsetenesta i Vestland med 60 tannklinikkar, 40 i Hordaland og 20 i Sogn og Fjordane.
– Det blir spennande og krevjande i den nye stillinga, men eg har gode medarbeidarar. Stillinga kan verta utfordrande, både geografisk og økonomisk, seier ho.
Arne Åsan har vore fylkestannlege i Hordaland sidan 1. juli 2011.
(NPK)
