NVE-topp: – Neppe stort potensial for kraftutbygging i verna vassdrag
Med mindre ein tek den aller mest verdifulle naturen, blir det neppe mange kraftprosjekt av å opne verna vassdrag, trur vassdrags- og energidirektøren.
– Det er neppe stort potensial for utbygging i verna vassdrag, med mindre ein ønskjer å gyve laus på den vakraste, mest verdifulle naturen vi har, seier Kjetil Lund til NRKs Nyheitsmorgon tysdag.
Tysdag skal Stortinget behandle eit forslag for å tillate bygging av vasskraftverk i elvar som har status som verna. Men forslaget inneheld ei lang rekke vilkår.
Annonse
Mellom anna må samfunnsnytta i form av til dømes flaumdempande effekt vurderast som stort, og miljøkonsekvensane må reknast som akseptable. Forslaget har breitt fleirtal, men NVE-direktøren meiner føresetnadene gjer at det ikkje vil få stor effekt.
– Eg oppfattar at vassdragsvernet framleis skal stå sterkt i Noreg, men i så fall blir det neppe mange prosjekt ut av dette, seier Lund.
Han seier det er mange typar teknologi som kan brukast til å byggje ut kraft i ikkje-verna område.
– Det er også stort potensial i verna vassdrag, men då må vi også rekne med store naturinngrep. Det er ingen gratis lunsj her.
Annonse
(©NPK)
