NVE: – For store sprik i skredvurderingane
NVE innrømmer at det er store sprik i skredvurderingane. No har NVE saman med bransjen utvikla ein ny og meir detaljert standard for korleis desse kartleggingane skal gjennomførast.
– Skredfarevurderinga er avgjerande for kor vi plasserer store verdiar og for tryggleiken for liv og helse. Då er det viktig at vurderingane følgjer den beste metodikken vi har i 2020, seier Odd Are Jensen, prosjektleiar for nasjonal skredkartlegging i NVE til NRK.
Han seier dei ser stadig fleire tilfelle av at det blir gjort fleire kartleggingar same stad, og at spriket både i konklusjon og dokumentasjon er for stort.
I arbeidet med å lage bransjestandard har mellom anna ulike konsulentselskap gått saman for å diskutera utfordringar dei møter når dei skal kartleggje skredfare.
– Fagleg skjønn og erfaringar styrer gjerne kor ein til slutt set farelinjene. Det er stor konkurranse, og det er ofte dei billigaste som vinn, seier Asbjørn Øystese ved Multiconsult.
Han meiner kriterium som bruk av sidemannkontroll og simuleringsverktøy no hevar kvaliteten. Samstundes som det gjer arbeidet med omfattande, noko som igjen kan gjere det dyrare for kundane.
