NVE åtvarar: – Unngå skredterreng

NVE ber folk som skal bevege seg i fjellet dei neste dagane om å unngå skredterreng. Fleire stader i landet er det svært lett å utløyse skred no.

– Du kan gjerne dra ut på tur, men planlegg turen utanom skredterreng. Med skredterreng meiner vi både dei områda der det er bratt nok til at skred losnar, altså laussnøområda. Men òg terrenget under, der skreda stoppar opp, seier Ingrid Skrede, vaktleiar i NVEs snøskredvarsling i ei pressemelding.

Fleire stader i landet er det sendt ut farevarsel, og sjølv om faren varierer, er rådd frå vaktleiaren klart.

– Hugs også at sjølv middels store skred kan gravleggje og ta livet av ein person. Sjølv om skredfaren er moderat, er det ikkje trygt. Tidleg på sesongen kan også oppstikkande stein og terrengfeller føre til at små skred er farlege, forklarer Skrede.

Er du usikker på kvar det er skredterreng kan du sjekke ut dette på Varsom-appen.

(©NPK)