Kraftlina er utsett for stor islast og mange feil ved Bjølsegrøvatnet. Eigaren ynskjer å flytta ein del av traseen som me ser lengst bak i biletet.

— Noregs mest feilutsette

Rådmannen er positiv til å flytta kraftlina vest for Bjølsegrøvatn.

Håkon Norheim
Journalist
Publisert

Statnett SF har søkt Noregs vassdrags- og energidirektorat om konsesjon for å flytta 5,5 kilometer av lina frå Pyttafjellet mot Tjørnadalane. Årsaka er stor islast.

Rådmannen meiner dei folkevalde i Kvam bør stilla seg positive til søknaden, ettersom det er dårleg samfunnsøkonomi i dagens svært feilutsette trasé. Ho tilrår likevel nokre vilkår, mellom anna at helikopterplassen på toppen av Damvegen bør nyttast, at Statnett ryddar etter seg, at flyttinga vert skånsam mot naturen, og at Statnett må ta omsyn til reinsdyr i området.

Les også:

Statnett har søkt om løyve til oreigning. Grunneigarane har fått tilsendt tilbod om minnelege avtalar. Dei fleste har så langt ikkje godteke tilbodet, ifylgje sakspapira.

Kvam herad har fått utsett fristen for å senda fråsegn i saka, som var 19. august. Formannskapet drøftar saka 21. september. Heradsstyret tek avgjerd 27. september.

økonomi utbygging statnett sf olje og energi nyhende noregs vassdrags- og energidirektorat kvam herad bygg og anlegg ålvik
Laga med Labrador CMS