Nominert til gjæv pris
Politistasjonssjef Øystein Torsnes ved Hardanger politistasjon er nominert til å verta årets leiar i politiet.
Publisert
Det kjem fram på Politiets Fellesforbund sine nettsider. Dei nominerte vart presenterte 23. september.
Torsnes tok til i stillinga som politistasjonssjef 1. juli i år, men har fungert i stillinga sidan Terje Kvalvik tredde ut av henne i juni 2021.
Annonse
Politiets Fellesforbund fekk inn 48 nominasjonar, og fleire av dei er føreslåtte fleire gongar, seier Lars Reiersen, leiar av politileiarane i Politiets Fellesforbund. Fem av dei nominerte kjem frå Vest politidistrikt.
Kåringa går føre seg under kongressen for politileiarane i Trondheim 11. oktober.
I juryen sit forsvarssjef Eirik Kristoffersen, politidirektør Benedicte Bjørnland, BI-professor Linda Lai, namsfut Lillian Bersaas Borge og leiar Unn Ama Skatvold i Politiets Fellesforbund.
