No må du bestille time på trafikkstasjonane

Frå 4. november må du bestille time på førehand viss du må på trafikkstasjonen – og slik slepp du også kø.

– Kundane våre kan løyse det aller meste sjølv på vegvesen.no. Vi må møte kundane der dei er, og stadig fleire kundar kontaktar oss i andre kanalar enn fysisk oppmøte, som til dømes via din side, chat eller direkte kontakt med saksbehandlar via e-post, seier avdelingsdirektør Lill Tove Amundsen i ei pressemelding.

Du treng vanlegvis berre å dra på trafikkstasjonen viss du skal ta teoriprøve eller oppkøyring, skal ha bilen på kontroll hos dei, du må ta nytt bilete eller signatur til førarkortet, eller viss du ikkje kan vente på å få skilt eller prøveskilt i posten.

(©NPK)