No er det høgtid for skred
Dei siste dagane har ein over heile landet kunne nytt ei kvit jul. No som julefreden senkar seg, er det mange som legg ut på flotte turar i fjellet. Røde Kors ber folk vere ekstra merksame ute i naturen.
– Folk må vere merksame på at det er ustabile forhold i fjellet, og at det er lurt å unngå skredterreng når det er høg skredfare, seier vaktleiar i Snøskredvarslinga, Emma Julseth Barfod, til
Dei komande dagane er det nemleg meldt oransje skredfare, nivå 3, fleire stader. Sunnmøre og Vestland er nokre av områda som er merka med «betydeleg snøskredfare», ifølgje varslingstenesta
Artikkelen held fram under annonsen.
Typisk skredvêr
Faregrad 3 for snøskred vil seie at det som regel er mindre sannsyn for naturlege skred, men heller ein ytre faktor som påverkar, som til dømes ein skigåar.
Om varselet er merka med eit utropsteikn vil det seie at det òg er fare for naturleg utløyste skred, noko som førebels er tilfelle for Sunnmøre, Indre Fjordane, Indre Sogn, Voss og Hardanger dei neste dagane.
Sjølv om varselsignala ikkje lyser raudt, er det likevel grunn til bekymring, meiner leiar for resursgruppe skred i Røde Kors, Tormod Eldholm.
– Det er gjerne ved opplett etter dagar med mykje snø og vind vi ser flest ulukker, sa Eldholm til NTB andre juledag.
Fjellvett
Om uhellet først er ute, er det lite ein kan gjere.
– Det er så sterke krefter i sving under eit snøskred, at det er lite ein kan gjere med det, understrekar Eldholm.
Dersom ulukka skulle ramme nokon i turfølgjet ditt, er det viktig å ringe naudnummeret så fort som råd. Det er dessutan viktig å prøve å få med seg kvar folk forsvinn, så ein kan avgrense området ein skal søke i, forklarer Eldholm.
Dei viktigaste tiltaka ein kan gjere før fjellturen skjer likevel i førebuingane. Ein kan mellom anna ta eit skredkurs på førehand.
Artikkelen held fram under annonsen.
Både Røde Kors og Varsom råder folk til å halde seg oppdatert på forholda der ein tenkjer å gå på tur. På varsom.no er det skildra kva skredproblemet er, og kva område som er mest utsett.
Det er ikkje umogleg å gå på tur sjølv om det er skredfare. Men ein burde halde avstand til skredterreng, altså område som er 30 grader eller brattare. Det er òg viktig å vere obs på bratte sider som kan vere utløpsområde for skred.
(©NPK)
