No blir det både dab og naudnett i Måbødalen
Statens vegvesen er i gang med å etablera både dab og naudnett i dei fire tunnelane i Måbødalen i Eidfjord.
Det heile skal vera på plass til mai, opplyser Statens vegvesen i ei pressemelding.
Vegvesenet skal setta opp innsnakkspanel som ein brukar når det oppstår uføresette hendingar i tunnelane. Trafikken blir sleppt igjennom kvar heile og halve time. Unnatak er utrykkingskøyretøy, rutegåande trafikk og brøytebilar. Dei andre trafikantane som ferdast i tunnelane må bu seg å bli påverka i alle fall ut januar månad.
Artikkelen held fram under annonsen.
– Me har forståing for at vegarbeid med venting kan vera krevjande for trafikantane, men då er det viktig å minna om at me gjer dette nettopp for dei. Ved å etablera dab og naudnett i Måbødalen betrar me trafikktryggleiken og moglegheita for å varsla ved hendingar, seier byggeleiar Knut Åkre i Statens vegvesen.
(©NPK)
