Nissejenter på Straumen
Laurdag kunne dei som handla på Straumen senter, verta møtte av fem jenter i nisseklede som delte ut peparkaker.
Jentene representerte Norheimsund Skulemusikklag og var der rett og slett for å tena pengar, fortel Stella Linga og Åsta Sørheim Almeland. Korpset vart nemleg betalt av senterleiinga for å spreia juleglede.
Saman med Åsne Eide Skeie, Signe Augusta Ones og Sofia Høgenæs Laupsa var dei på senteret i tre timar. Stella og Åsta seier til HF at fleire vert glade når dei får peparkaker, men at det slett ikkje er alle som vil ha.
