Framme, frå venstre: Camilla Solberg, Lystig 4H; Jonas Tveite Haug, Bordalen 4H; Ingebjørg Herre, Bordalen 4H; Oda Marlen Litlere, Bordalen 4H; Anna Sundve Olde, Bordalen 4H; og Kristin Giljarhus, Samhald 4H. Bak, frå venstre: Anders Gilbakken, Samhald 4H; Hallvard Hellesnes, Dyktig 4H; Peder Røthe Aker, Dyktig 4H; Tor Even Rødne Hole, Stronde 4H; Szymon Trojankowski, Stronde 4H, og Nikolas Bakke-Byrkjeland, Dalamot 4H. Også hardingane Eivind Haavik frå Luren 4H og Gunhild Grønnestad Espeland frå Skare 4H fekk plakett, i tillegg til Joachim Midtun frå Dyktig 4H på Voss, men desse var ikkje til stades på festen. Varaordførar i Alver, Nina Bognøy, delte ut plakettane.

Nikolas gjev seg ikkje

Då Dalamot 4H i Vikøy vart lagd ned i fjor, skifta Nikolas Bakke-Byrkjeland klubb for å fullføra plakettløpet i organisasjonen.

Sigbjørn Linga
Bladstyrar
Ragnhild Økland Børven
Publisert

Laurdag 9. november fekk kvemmingen og 21 andre plakett og vitnemål på den årlege plakettfesten på Kløvertun på Os.

4H-plaketten provar at medlemen er ferdig med 4H-programmet. Det inneber at dei har vore med i minst sju år, levert godkjent prosjekt og delteke på ymse kurs, samlingar og leirar.

Bakke-Byrkjeland var 10 år då han byrja i 4H. I år fyller han 18 år.

– Korleis har du hatt det i 4H?

– Det har alltid vore kjekt. Mykje aktivitetar, og mykje nye folk på kurs og leirar. Også oppgåva var stort sett kjekk om du valde noko du likte, seier Bakke-Byrkjeland.

Den siste oppgåva han leverte, handla om fotografi. Sjølv om det var hans siste oppgåve, kan han likevel halda fram med å vera med på aktivitetar i klubben. Det etlar han å gjera.

– Eg trur ikkje eg melder meg ut med det fyrste, seier han.

Bakke-Byrkjeland representerer no Ivrig 4H, etter at Dalamot 4H altså vart lagd ned i fjor. Det var kjedeleg at den næraste klubben vart lagd ned, men det eine året i Øystese har gått veldig fint, fortel han.

hobby fritid nyhende
Laga med Labrador CMS