Neteland går av

Fjord1 melde sjølv om avgangen til kvemmingen i ei pressemelding onsdag morgon. Neteland vert erstatta av Geir Bruvik Mjelde.

Neteland har sjølv bede om å få slutta, etter ti år i stillinga.

– Det har vore fantastiske år i Fjord1, i ei svært spennande og meiningsfull næring. Fjord1 har vore ein pioner og er i dag det leiande selskape. Me har rigga oss godt med eit stort potensial. Me har erstatta dieselfartøy med ny, miljøvenleg teknologi, og no står neste generasjon hurtigbåt og autonomi for tur, eit symboltungt bevis på kor langt me er komne. For meg er ringen slutta her, og det er berre positivt at nye krefter tek over, seier Neteland i pressemeldinga.

Styreleiar Martha Kold Monclair rosar Neteland for arbeidet og for å ha hatt høge ambisjonar, vekst og styrkte resultat:

– Dagfinn har gjort ein fantastisk jobb. Han har vore ein stor og viktig bidragsytar til å byggja Fjord1 som det leiande selskapet det er blitt. Han har vore ein framoverlent og dyktig leiar som me ynskjer lukke til vidare, seier ho i presseskrivet.