Nesten fullt biltreff

Det opplyser Stig Tore Anthun, som er primus motor for treffet. Lastebiltreffet går av stabelen helga 13.—15. august.

— Me ligg godt an, seier Anthun, som også i år ligg an til å måtta retta seg etter enkelte restriksjonar knytte til koronaviruset.

Anthun opplyser at påmeldinga til treffet stoppar til helga. Han reknar med at det vert fullt. Lastebilentusiasten seier det er påmeld bilar frå Gratangen i nord til Kristiansand i sør. Det er i år stengt for utanlandske bilar, med unntak for ein nederlendar som allereie har vore i Noreg ei god stund.

— Me har måtta takka høfleg nei til våre vener i Danmark og Sverige, seier Anthun.

Treffet vert ope opp for publikum i år. Dei som ynskjer å ta turen, er velkomne så lenge dei etterlever smitteverntiltaka. Det vert ikkje køyrt kortesje, slik det har vore tradisjon for.

Laurdagen kjem Norges Lastebileier-Forbund til treffet for å halda konferansar og møte om viktige tema i bransjen. Rettvis transport med fokus på miljø, trafikktryggleik og gode arbeidsvilkår er noko av det som står på programmet.

Det same gjer årets stortingsval. Forbundet ynsker å syna fram dei ulike partia si meining om infrastruktur og korleis dei kjem til å arbeida dei neste fire åra. Anthun trur såleis at mange kan vera interesserte i å ta turen.

— Me oppfordrar både industrien og det politiske miljøet til å møta opp, seier han.

Besøket frå forbundet er ein del av den landsomfattande «Transportturné 2021» som vert gjennomført i forbindelse med stortingsvalet.

I fjor vart treffet på fyllingane på Torsnes avvikla som eit av få av slaget i Noreg.

Les også: