Nesten 100 kommunar framleis fri for koronasmitte

Fem veker etter at regjeringa innførte koronatiltaka, er framleis 98 kommunar i Noreg utan registrerte smittetilfelle.

Dette utgjer 27 prosent av dei 356 kommunane i landet, viser tal frå Folkehelseinstituttet (FHI).

– Det kan vere tilfeldig, men også eit resultat av at ein har fått mindre mobilitet i befolkninga. Hadde ein ikkje innført dei strenge tiltaka i mars, ville nok langt færre kommunar hatt null smitte i dag, seier overlege Siri Helene Hauge ved FHI til NRK.

Fleire av dei smittefrie kommunane fryktar at smitten vil komme når tiltaka blir letta på.

(©NPK)