Nedgang i talet på rømt oppdrettslaks i norske elver
I sju år har havbruksnæringa overvaka talet på rømt oppdrettsfisk i norske vassdrag. I 2021 var talet rekordlågt.
Det er Oppdrettsnæringens sammenslutning for utfisking av rømt oppdrettslaks (OURO) set i verk utfiskingstiltak og registrerer kor stor del av den utfiska laksen som er rømt oppdrettsfisk.
– Sidan OURO sin oppstart i 2015 har vi ikkje registrert så låge innslag av rømt oppdrettslaks i elvene som i fjor. Den langsiktige trenden på innrapporterte rømmingstal er fallande. Det viser at tiltaka som næringa har sett i verk over fleire år gir effekt, seier styreleiar Ingrid Lundamo i OURO i ei melding til iLaks.no.
Tala viser at delen rømt oppdrettslaks blei redusert til under fire prosent i dei fleste elver etter uttak. 2021 var prega av låge rømmingstal, noko også lågare uttak frå OURO speglar att. Det blei gjort uttak med harpun, not, stongfiske og kilenøter.
Det er i 2022 valt ut 35 elver kor det skal settast i verk tiltak for å redusere innslag av rømt oppdrettsfisk. I tillegg blir det gitt støtte til utfisking av rømt oppdrettsfisk med kilenot i Trøndelag, uttak i fiskefella i Etne og med kilenot tilknytt Vossovassdraget.
(©NPK)
