Nedgang i folketal i Kvam og Ullensvang
Talet på innbyggjarar gjekk ned både i Kvam og Ullensvang i slutten av 2023.
Det syner dei ferske statistikkane til Statistisk sentralbyrå for 4. kvartal.
Folketalet i Kvam var 8.517 ved inngangen til 4. og siste kvartal i 2023. Ved utgangen var det 8.496, etter ein nedgang på 21 personar. Samanliknar ein med folketalet på same tid i fjor, då Kvam hadde 8.531 innbyggjarar, var nedgangen på 35 personar.
I Ullensvang var folketalet 11.126 ved inngangen til 4. kvartal. Statistikken viser ein nedgang på 109, då det ved utgangen var 11.017 busette i kommunen. Utflytting skal vera den største årsaka til nedgangen. Folketalet ved utgangen av 2022 var 11.148, som er 22 fleire enn på same tid i år.
I Hardanger er Ulvik den einaste kommunen med auke i folketalet i 4. kvartal. Der vart det 7 fleire innbyggjarar.
I nabolaget er Voss og Bjørnafjorden dei med størst vekst. Auken var på 204 personar i Voss. Bjørnafjorden hadde ein auke på 147 personar.
