Natt til sundag vert klokka stilt ein time fram
Natt til sundag går vi frå normaltid, altså vintertid, til sommartid.
– Skiftarbeidarar, småbarnsfamiliar og bønder er kanskje blant dei som opplever klokkestillinga som mest utfordrande. Det positive er heldigvis at dette betyr lysare ettermiddagar og at våren er rett rundt hjørnet, seier næringsminister Jan Christian Vestre (Ap).
Som ansvarleg for Justervesenet er det næringsministeren som bestemmer kva som er rett tid her i landet.
Artikkelen held fram under annonsen.
Klokka blir stilt mellom klokka 2 og klokka 3 natt til sundag, dermed «mistar» vi ein time. Denne får vi tilbake når klokka blir stilt tilbake til normaltid 29. oktober.
(©NPK)
