Nær fire av fem meiner politiet ikkje har nok ressursar til å få bukt med kriminalitet

77 prosent av dei spurde seier at dei har låg tillit til politiets ressursar til å få bukt med kriminalitet, viser ei undersøking frå Politiets Fellesforbund.

– Vi seier ofte at vi har høg tillit til politiet i Noreg når vi samanliknar med andre land, men no peikar alle pilene i feil retning, seier leiar Unn Alma Skatvold i Politiets Fellesforbund til VG.

Skatvold seier det ofte er personar som har vore i kontakt med politiet som har svekt tillit til dei.

72 prosent av dei som svarte på undersøkinga, svarte at dei ikkje opplever at politiet har vorte meir synleg og tilgjengeleg i lokalmiljøet sitt dei siste åra. 42 prosent svarte at dei er bekymra for at dei sjølv eller deira næraste kan bli utsette for kriminalitet.

– Bemanninga går ned samtidig som at oppklaringsprosenten søkk. Meldingane aukar, og bortleggingane aukar. Det svekkjer tilliten til politiet, og vi må snakke om det før det bikkar over, legg Skatvold til.

1039 personar deltok i undersøkinga. Ho er gjennomført av Politiets Fellesforbund på eit landsrepresentativt utval av befolkninga over 18 år.

(©NTB)