Monaleg nedgang i sola

I den varme og solrike månaden vart 1.472 vitjingar registrerte i badeanlegget, syner statistikken Hardangerbadet AS har sendt Kvam herad. Av desse utgjorde salet av enkeltbillettar 844, 1.008 færre enn i fjor. Medrekna i årets tal er 203 besøk av gjester på Hardangerfjord Hotel.

2. kvartal enda med 9.626 besøk, som er 27 færre enn i same periode i fjor. Til gjengjeld var 12.402 – 1.588 fleire enn i 2022 – innom i 1. kvartal.

Badeføretaket hadde 750 registrerte medlemer i slutten av juni, som er det lågaste talet i den snart fire år lange drifta. Rekorden på 1.079 medlemer stammar frå desember 2020.

Rapporteringa til Kvam herad er eit krav frå dei folkevalde som vart stilt i samband med ymse kommunale ekstraløyvingar til anlegget.