– Møklekkasje i Øystese
Det rann gylle ut frå ein møkkjellar i Hellestveitvegen i Øystese onsdag føremiddag.
Det opplyste 110 Vest på X onsdag klokka 09.09.
Lekkasjen var då stoppa, og Kvam brann og redning hadde kome for å hjelpa til med å samla opp mest mogeleg av frauen i området. Brannvesenet nytta seg òg av vasskanonen på brannbilen for å spyla Hellestveitvegen rein.
Meldinga om lekkasjen kom til 110-sentralen om lag klokka 08.30. Politiet opplyste på X at ei dør til kjellaren truleg gjekk sund om natta. Inntil 100–150 kubikkmeter møk kan ha runne ut, skriv politiet.
Politiet rykte ikkje ut, men vil fylgja opp hendinga.
Helen Hellestveit bur på garden der lekkasjen oppstod. Ho skriv til HF at ho ikkje veit kva som er årsaka til hendinga. Det er hol på ein gjødselport, og alderen på porten tilseier at dette ikkje skal skje, opplyser Hellestveit.
Under bileta kan du sjå ein video frå området.
