Natt til fredag stansa ein politiet ein moped i Norheimsund. Årsaka var at føraren var mistenkt for å vera rusa. Blodprøve vart teken og politiet valde å ransaka bustaden til mopedføraren. Der vart det funne noko som truleg er narkotika, fortel lensmann Terje Sperrevik i Kvam, Samnanger og Tysnes lensmannsdistrikt.
Sperrevik fortel og at det tidlegare same natt vart gjennomført alkohol- og dokumentkontroll i Norheimsund. Ingen av dei som vart stansa var rusa eller mangla dokument.
