– Mikrokraftverk er konsesjonspliktig
Utbyggjarane av Stuvebekken kraftverk vona å sleppa søkja om konsesjon. Slik gjekk det ikkje.
Publisert
Dette kjem fram i eit brev frå Noregs vassdrags- og energidirektorat (NVE). Når eit kraftverk har ein effekt som er mindre enn éin megawatt, trengst vanlegvis berre løyve frå kommunen. Men sidan bekken renn ut i Øysteseelva, som er verna, ønskjer NVE sjølv å handsama søknaden.
NVE gav løyve til å byggja kraftverk i bekken i 2009. Den gongen vart ikkje løyvet nytta før det gjekk ut. Øystesevassdraget vart verna mot kraftutbygging i 2019.
